之前寫蘋果，是因為上星期 RIMM 一拆三，想到如果 AAPL 又再 split，可能可以升得勁Ｄ。而且，在 NASDAQ trade 的股票都唔多鍾意派息，拆細左，可以賣少少當派息。不過Ｄ佣金都好甘！
作為一個『平民資本家』，應該十分著重派息。林森池同 Tony Measor 都一樣著重 income，但是著眼點有分別。林大師是著重 cash flow。因為有 cash inflow 才可以「股息再投資」產生利疊利既複利效益。
問題是，像我這樣的一個散戶，『老散中的老散』，派一年息都不夠再買多一手！不論是東尼的愛股宏利、匯豐，還是林大師的中壽、中移動，買一手動輒過萬。
所以，對於我這個『平民』來說，當『資本家』是遙不可及的。香港，始終只有一個林森池。
要一嚐利疊利既複利效益的喜悅，都係買基金好了。
我讀大學時開始買基金，每月供 HK$1000。之後出來工作一直供到現在。當然，金額和基金品種都有改變。當初，基金派息少得可憐。可是，就算是派得幾毫子美金都可以 reinvest！而且仲免 initial charge！真正的利疊利！
後來每次派息都比月供的多。供十二個月有十三個月。就好似做十二個月工有出十三個月糧咁興奮！（唉！曾幾何時，13個月糧係老奉既！）
